தமிழகத்தில், சூரியன் மறைவதற்குள் தை மாதம் பிறப்பு ஏற்படும் மாவட்டங்களில், 14ம் தேதியும், மற்ற இடங்களில் 15ம் தேதியும் பொங்கல் பானை வைக்கலாம் என, காஞ்சி சங்கர மடம் கூறி இருக்கிறது. நம் பிரபஞ்சத்தின் மையப்பகுதியில் உள்ள சூரியன், தன்னைத் தானே சுற்றியபடி, அதன் சுற்றுப் பாதையிலும் சுற்றுகிறது. சுற்றுப் பாதையின் ஒரு முறையிலான சுழற்சியை 12 மாதங்களில், சித்திரையில் துவங்கி பங்குனியில் முடிக்கிறது. முக்கியத்துவம்இப்படிப்பட்ட சுழற்சி யில் நான்கு திசைகளுக்கும் நான்கு மாதங்கள் என்ற கணக்கில், தை மாத துவக்கத்தில், வடக்கு நோக்கி நகர்கிறது. இதை மகர சங்கராந்தி - சூரியன் வடக்கு நோக்கி நகர்தல் என்று அழைக்கிறோம்.

புண்ணிய காலம்: கர்நாடகாவின் மைசூரு, கொள்ளேகால், மடிக்கேரி பகுதிகளிலும், கேரளத்தின் பெரும்பாலான பகுதி களிலும் ஜன.,14 தான் புண்ய காலம் ஆரம்பம். ஆனால், பெங்களூரு உட்பட கர்நாடகத்தின் மற்ற பகுதிகளிலும், நாட்டின் மற்ற மாநிலங்களிலும் ஜன.,15 தான் புண்ணிய காலம் என, வாக்கிய கணித முறைப்படி தெரிய வருகிறது. எனவே, சம்பந்தப்பட்ட பகுதிகளில் வசிப்பவர்கள், அவரவருக்கு குறிப்பிட்டுள்ள தேதிகளில் மகர சங்கராந்தி கொண்டாடலாம்; திதி கொடுக்கலாம். ஆகவே, இம்மாதம், 15ம் தேதி திதி கொடுக்கும் ஊர்களில், 14ம் தேதி போகி பண்டிகையும், 16ம் தேதி காணும் பொங்கலும் கொண்டாட வேண்டும்.இவ்வாறு அதில் முடிவு செய்யப்பட்டுள்ளது. -- நமது நிருபர் -