சிதம்பரம்: சிதம்பரம் கீழத்தெரு மாரியம்மன் கோவில் தீமிதி உற்சவம் நாளை கொடியேற்றத்துடன் துவங்குகிறது. சிதம்பரத்தில் அமைந்துள்ள பிரசித்தி பெற்ற கீழத்தெரு ஸ்ரீமாரியம்மன் கோயில் தீமிதி உற்சவம் நாளை 22-ம் தேதி கொடியேற்றத்துடன் துவங்குகிறது. இம்மதேம் 26-ம் தேதி தெருவடைச்சான் உற்சவமும், 31-ம் தேதி தேர்த்திருவிழாவும் நடைபெறுகிறது. முக்கிய விழாவான தீமிதி திருவிழா அடுத்த மாதம் .1-ம் தேதி நடைபெறுகிறது. இதில் பல்லாயிரக்கணக்கான பக்தர்கள் பங்கேற்று தீ மிதித்து நேர்த்திக் கடன் செலுத்துவர். அதனைத் தொடர்ந்து 2-ம் தேதி விடையாற்றி உற்சவமும், 3-ம் தேதி மாலை மஞ்சள் நீர் விளையாட்டும், இரவு 7 மணிக்கு ஊஞ்சல் உற்சவத்துடன் விழா நிறைவுடைகிறது. விழாவிற்கான ஏற்பாடுகளை டிரஸ்டி மற்றும் கோவில் சிப்பந்திகள் செய்து வருகின்றனர்.