ஆடி வெள்ளி பெரியநாயக்கன்பாளையம் கோவில்களில் சிறப்பு பூஜை
எழுத்தின் அளவு:
பதிவு செய்த நாள்
06ஆக 2022 11:08
பெ.நா.பாளையம்: பெரியநாயக்கன்பாளையம், துடியலூர் வட்டாரங்களில் ஆடிவெள்ளியையொட்டி அம்மன் கோவில்களில் சிறப்பு பூஜைகள் நடந்தன.
நரசிம்மநாயக்கன்பாளையத்தில் உள்ள அங்காளம்மன் கோவில், கொங்காளம்மன் கோவில், மாகாளியம்மன் கோவில், சக்தி மாரியம்மன் கோவில், காமாட்சி அம்மன் கோவிலில் சிறப்பு பூஜைகள் நடந்தன. பெரியநாயக்கன்பாளையம் வட்டாரத்தில் தண்டு மாரியம்மன் கோவில், வீரபாண்டி மாரியம்மன் கோவில் உள்ளிட்ட பல்வேறு அம்மன் கோவில் சிறப்பு பூஜைகள், அபிஷேக ஆராதனைகள் நடந்தன. மேலும், அம்மன் கோவிலில் வரலட்சுமி விரதத்தை ஒட்டி பெண்கள் அம்மனுக்கு சிறப்பு பூஜைகள் செய்து, குங்குமம், மஞ்சள் கயிறு ஆகியவற்றை கோவில்களில் இறைவனை வழிபட வரும் பெண்களுக்கு வழங்கினர். நேற்று மாலை பல்வேறு அம்மன் கோவில்களில் சிறப்பு திருவிளக்கு பூஜைக்கு ஏற்பாடுகள் செய்யப்பட்டு இருந்தன.