ஸ்ரீ காளஹஸ்தி: திருப்பதி மாவட்டம் ஸ்ரீ காளஹஸ்தி சிவன் கோயிலில் நேற்று (தெலுங்கு) கார்த்திகை மாத முதல் திங்கட்கிழமை (சிவபெருமானை வழிபட உகந்த நாள் என்பதால்) அதிகாலை முதலே பக்தர்கள் நீண்ட வரிசையில் நின்று ஸ்ரீ காளஹஸ்தீஸ்வரரையும் ஞானப்பிரசுனாம்பிகை தாயாரையும்  தரிசனம் செய்ய வந்தனர்.இதனால் பக்தர்களுக்கு கார்த்திகை தீபங்களை ஏற்றுவதற்கு சாதகமாக கோயில் வளாகத்தில் நான்கு பகுதிகளில்  அதிகாரிகள்   ஒதுக்கப்பட்டு அதற்கான ஏற்பாடுகள் செய்ததால் அப்பகுதியில் பக்தர்கள் கார்த்திகை தீபங்களை ஏற்றி வழிபட்டனர். கார்த்திகை மாத முதல் திங்கட்கிழமை என்பதால் கோயிலில் ஏராளமான பக்தர்கள் சாமி தரிசனம் செய்ய வந்ததால் கோயில் நிர்வாகம் "லகு" தரிசனத்தை ஏற்பாடு செய்தனர். இதனால் நீண்ட தூரத்தில் இருந்து வந்த பக்தர்கள் விரைவாக  சாமி தரிசனம்  செய்தனர் .கார்த்திகை மாத முதல் திங்கட்கிழமை என்பதால்  கோயில் வளாகத்தில் உள்ள ஸ்ரீ காசி விஸ்வநாதர் சுவாமி சன்னதி அருகில் கார்த்திகை தீபங்களை ஏற்றி வழிபட பக்தர்களுக்கு  சிறப்பாக கோயில் நிர்வாகம் ஏற்பாடு செய்தது .அந்தப் பகுதியில் (ஸ்ரீ வாயு லிங்கேஸ்வர சுவாமி) காளஹஸ்தீஸ்வரரின் (நமூனா)  மாதிரி சிலையை ஏற்பாடு செய்து கோயில் வேதபன்டிதர்கள் சிறப்பு பூஜைகள் செய்ததோடு கற்பூர ஆரத்தியோடு மகாதீபாரதனையை சமர்ப்பித்தனர் .இந்நிகழ்ச்சியில் கோயில் அறங்காவலர் குழு தலைவர் அஞ்சூரு. தாரக சீனிவாசலு கோயில் நிர்வாக அதிகாரி சாகர் பாபு மற்றும் அறங்காவலர் குழு உறுப்பினர்கள் கோயில் அதிகாரிகள் மற்றும் ஏராளமான பக்தர்கள் கலந்து கொண்டு சாமி தரிசனம் செய்தனர்.