திருப்பதி: திருமலை ஏழுமலையானை தரிசிக்க பக்தர்கள் 24 மணி நேரம் காத்திருந்தனர். திருமலைக்கு வரும் பக்தர்களின் கூட்டம் கோடை விடுமுறை முடிந்த பின்பும் அதிகரித்துள்ளது. நேற்று முன் தினம் காலை 31 அறைகளில் பக்தர்கள் ஏழுமலையான் தரிசனத்துக்காக காத்திருந்தனர். அவர்கள் 24 மணி நேரத்துக்கு பின், சுவாமி தரிசனம் கிடைத்தது. காத்திருப்பு அறைகள் மற்றும் தரிசன வரிசைகளில் பக்தர்களுக்கு உணவு, பால், குடிநீர் உள்ளிட்டவை வழங்கப்பட்டன. நேற்று முன்தினம் மட்டும் 87 ஆயிரத்து 762 பக்தர்கள் ஏழுமலையானை தரிசனம் செய்தனர். அதில், 43 ஆயிரத்து 753 பக்தர்கள் முடிகாணிக்கை செலுத்தினர். உண்டியலில் மூன்று கோடியே 61 லட்சம் ரூபாய் வசூலாகியிருந்தது.