சென்னை, சென்னையில் உள்ள கோவில்களில், தீயணையப்பு துறை சார்பில், தீ விபத்தில் இருந்து எப்படி தப்புவது? மற்றவர்களை பாதுகாப்பது, மீட்பது என்பது குறித்து ஒத்திகை நிகழ்ச்சி நடந்து வருகிறது. அதன்படி, சிந்தாதிரிப்பேட்டை அருள்மிகு ஆதிபுரீஸ்வரர் மற்றும் ஆதிகேசவப்பெருமாள் திருக்கோவிலில், எழும்பூர் தீயணைப்பு நிலைய அதிகாரி முத்துசாமி தலைமையில், தீயணைப்பு வீரர்கள், கோவில் பணியாளர்களுக்கு, தீ அணைப்பு குறித்து ஒத்திகை நிகழ்ச்சி நடத்தினர். இதில், தீயணைப்பு உபகரணங்கள் எப்படி கையாள்வது என்பது குறித்து பணியாளர்களுக்கு செயல்முறை விளக்கம் அளிக்கப்பட்டது.