திருமழிசை: திருவள்ளூர் மாவட்டம் திருமழிசையில் அமைந்துள்ளது, ஜெகன்னாத பெருமாள் கோவில்.இங்கு, நடப்பாண்டிற்கான ஆனி பிரம்மோற்சவ விழா கொடியேற்றத்துடன் துவங்கியது. நேற்று காலை 7:55 மணிக்கு கடக லக்னத்தில் கொடியேற்றம் நடந்தது. தொடர்ந்து மாலை சுவாமி தங்க தோளுக் கினியன் வாகனத்தில் திருவீதி புறப்பாடும் நடந்தது. பிரம்மோற்சவ திருநாளில் தினமும் காலை, மாலை வேளைகளில் பல்வேறு வாகனங்களில் சுவாமி திருவீதியுலா நடைபெறும். விழாவின் முக்கிய நிகழ்ச்சியான கருட சேவை, நாளை காலை 9:00 மணிக்கும், தேர்த்திருவிழா வரும் 3ம் தேதி காலை 7:30 மணிக்கும் நடைபெறும். வரும் 5ம் தேதி மாலை கொடியிறக்கத்துடன், ஆனி பிரம்மோற்சவ திருவிழா நிறைவு பெறும்.