துாத்துக்குடி; திருச்செந்தூர் சுப்பிரமணியசுவாமி கோயில் கந்த சஷ்டி திருவிழா யாகசாலை பூஜையுடன் கோலாகலமாக துவங்கியது. கோயில் வளாகத்தில் பல்லாயிரக்கணக்கான பக்தர்கள் விரதம் துவங்கினர்

துாத்துக்குடி மாவட்டம் திருச்செந்துார் சுப்பிரமணிய சுவாமி திருக்கோயிலில் கந்த சஷ்டி திருவிழாயையொட்டி அதிகாலை ஒரு மணிக்கு நடைதிறக்கப்பட்டது. 1:30 மணிக்கு விஸ்வரூப தரிசனமும், 2 மணிக்கு உதயமார்த்தாண்ட அபிஷேகமும், காலை 5:30 மணிக்கு ஜெயந்திநாதர் யாகசாலை புறப்படும் நிகழ்ச்சியும் நடந்தன. காலை 6:30 மணிக்கு யாகசாலை பூஜை துவங்கியது. மாலை 4:30 மணிக்கு திருவாவடுதுறை சஷ்டி மண்டபத்தில் ஜெயந்திநாதருக்கு அபிஷேகம் நடக்கிறது.

விரதம் துவக்கினர்; விழாவை முன்னிட்டு தமிழகம் மற்றும் வெளிமாநிலங்களில் இருந்து வந்துள்ள பல்லாயிரக்கணக்கான பக்தர்கள் கோயில் வளாகத்தில் தங்கி விரதம் துவங்கினர். இந்த விழா இன்று 13ம் தேதி துவங்கி 24ம் தேதிவரை நடக்கிறது. 18ம் தேதி மாலை 4 மணியளவில் கடற்கரையில் சூரசம்ஹாரம் நடக்கிறது. கந்தசஷ்டியை முன்னிட்டு விரமிருக்கும் பக்தர்கள், திருச்செந்தூரில் குவிந்துள்ளனர். விரதமிருக்கும் பக்தர்கள் மனம் உருக பக்தி பாடல் பாடியும் ஆடியும் பரவசத்துடன் தரிசனம் செய்து வருகின்றனர்.