மாமல்லபுரம்; ‘ஹேண்ட் இன் ஹேண்ட் ’ என்ற தன்னார்வ நிறுவனம், நகர்ப்புற உள்ளாட்சி நிர்வாக பகுதிகளில், மட்கும் மற்றும் மட்காத குப்பையை சேகரித்து, திடக்கழிவு மேலாண்மையை செயல்படுத்தி வருகிறது. பொருட்கள் மறுசுழற்சி குறித்தும், விழிப்புணர்வு ஏற்படுத்தி வருகிறது. மாமல்லபுரத்தில் நீண்டகாலமாக திடக்கழிவு மேலாண்மை திட்டத்தை செயல்படுத்திய இந்நிறுவனம், இரும்பு கழிவுப் பொருட்களில் மாமல்லபுரம் கடற்கரை கோவிலை உருவாக்கி, கட ற்கரை கோவில் நுழை வாயிலில் பயணியர் பார்வைக்கு வைத்துள்ளது. இதுகுறித்து, நிறுவனத்தினர் கூறியதாவது: இரும்பு தகடுகள், கம்பிகளின் கழிவுகளை பயன்படுத்தி, கழிவுப்பொருளில் கலை என்ற நோக்கத்துடன், கட ற்கரை கோவில் மாதிரியை உருவாக்கினோம். கழிவில் கலை பற்றி பயணியரிடம் விழிப்புணர்வு ஏற்படுத்த, தொல்லியல் துறையிடம் அனுமதி பெற்று, கடற்கரை கோவில் நுழை வாயிலில் காட் சிக்கு வைத்துள்ளோம். இரும்பு கழிவுகளில் செய்தது, அதற்காக பயன்படுத்திய பொருட்கள், எடை விபரங்கள் குறித்து தகவல் பலகையும்இடம்பெற்றுள்ளது. இவ்வாறு அவர்கள் கூறினர்.