மயிலம்; மயிலம் முருகன் கோவிலில் இன்று 6ம் தேதி தங்க மயில் வாகன உற்சவம் நடக்கிறது.  மயிலம் முருகன் கோவில் பங்குனி உத்திர திருவிழா கடந்த 2ம் தேதி காப்பு கட்டுதல், யாகசாலை பூஜை கொடியேற்றத்துடன் துவங்கியது. இன்று காலை11:00 மணிக்கு வெள்ளி விமானத்தில் வள்ளி தெய்வானை சுப்ரமணிய சுவாமி கிரிவலம் நடந்தது.  இரவு 7:00 மணிக்கு வெள்ளி நாக வாகனத்தில் உற்சவர் பக்தர்களுக்கு அருள்பாலிப்பார். நாளை 6ம் தேதி இரவு 8:00 மணிக்கு, தங்க மயில் வாகனத்திலும், 9ம் தேதி வள்ளி தெய்வானை சமேத சுப்பிரமணிய சுவாமிக்கு திருக்கல்யாணம் நடக்கிறது. இதனை தொடர்ந்து 10ம் தேதி அதிகாலை 5: 46 மணிக்கு திருத்தேரில் எழுந்தருளி காட்சியளிக்கிறார். விழா ஏற்பாடுகளை மயிலம் பொம்மபுர ஆதீனம் இருபதாம் பட்ட சுவாமிகள் செய்து வருகிறார்.