எதையும் எளிதாக எடுத்துக் கொள்ளும் மீன ராசி அன்பர்களே!

இந்த மாதம் செவ்வாய் கிரகம் மாதம் முழுமையும், புதன் அக். 4 வரையிலும், சுக்கிரன் செப். 29 வரையிலும் சிம்மத்தில் நின்று நற்பலன் கொடுப்பார்கள். புதிய வீடு, வாகனம் வாங்கலாம். அக். 4 வரை புதனாலும் , செப். 29 வரை சுக்கிரனின் பலத்தாலும் குடும்பம் மகிழ்ச்சியாக இருக்கும். திருமணம் போன்ற சுபநிகழ்ச்சிகள் நடக்கும். பெரியோர்களின் ஆதரவும், ஆலோசனையும் கிடைக்கும். நண்பர்கள் உதவிகரமாக இருப்பர். பொருள் லாபம் அதிகரிக்கும். கணவன்- மனைவி இடையே அன்பு நீடிக்கும்.

தொழிலதிபர்கள், வியாபாரிகளுக்கு லாபம் அதிகரிக்கும். போட்டியாளர்களை வெற்றி கொள்வீர்கள். புதிய தொழில், வியாபாரம் அனுகூலம் தரும். ஆனால், அதிகமாக உழைக்க வேண்டியிருக்கும். எதிலும் அதிக முதலீடு போட வேண்டாம். செப். 28,29ந் தேதிகளில் எதிர்பாராத வகையில் பணவரவு இருக்கும்.

பணியாளர்கள் உயர்ந்த நிலையை அடைவர். வருமானத்தில் திருப்தி இருக்கும். சிலர் புதிய பதவி கிடைக்க பெறுவர். செல்வாக்கு அதிகரிக்கும். செப்டம்பர் 21,22ல் நன்மை நடக்கும்.

கலைஞர்கள் புதிய ஒப்பந்தம் கிடைக்கப்பெறுவீர். புகழுக்கு எந்த பங்கமும் வராது.  

அரசியல்வாதிகள் கவுரவத்தோடு காணப்படுவர். பணப்புழக்கத்திற்கும் குறை இருக்காது.

மாணவர்களுக்கு இந்த மாதம் வளர்ச்சியான சூழலே. ஆசிரியர்களின் அறிவுரை கை கொடுக்கும்.

விவசாயிகளுக்கு கிழங்கு காய்கறி, பழவகை நல்ல மகசூல் தரும். புதிய சொத்து வாங்க காலம் கனிந்துள்ளது. கால்நடைகள் சிறப்பை தரும். கைவிட்டு போன நிலம் மீண்டும் கிடைக்கும்.

பெண்கள் குடும்பத்தில் அனைவராலும் போற்றபடுவர். உல்லாச பயணம் செல்வீர்கள். பிள்ளைகளால் பெருமை கிடைக்கும். கணவர் மற்றும் குடும்பத்தாரிடம் விட்டுக் கொடுத்து போகவும். புத்தாடை, நகை வாங்குவீர்கள்.  

நல்ல நாள்: செப். 21, 22, 23, 24, 25, 28, 29 அக். 2, 3, 11,12, 13.

கவன நாள்: செப்.18,  அக்.14,15 சந்திராஷ்டமம்.

அதிர்ஷ்ட எண்: 1,7                         நிறம்: சிவப்பு, பச்சை

பரிகாரம்: நரசிம்மரை வழிபடுங்கள். வியாழக்கிழமை தட்சிணாமூர்த்திக்கு அர்ச்சனை செய்யுங்கள். காலையில் சூரிய வழிபாடு நடத்துங்கள்.