சாமர்த்தியம் மிக்க மீன ராசி அன்பர்களே!

இந்த மாதம் புதன் அக். 26ல் இருந்து நவ.13 வரையும், செவ்வாய் நவ. 5 வரையும் நன்மை தருவர். செவ்வாயால் பொருளாதார வளம் அதிகரிக்கும். அபார ஆற்றல் பிறக்கும். ஆடை, ஆபரணம் வாங்கலாம்.வீட்டுக்கு தேவையான வசதி கிடைக்கும். அக். 26க்கு பிறகு முயற்சிகளில் வெற்றி கிட்டும். கணவன்- மனைவி இடையே அன்பு பெருகும். பிள்ளைகளால் மகிழ்ச்சியும், பெருமையும் கிடைக்கும். உறவினர் வருகையும் அவர்களால் நன்மை கிடைக்கும்.

தொழில், வியாபாரத்தில் எதிர்பார்த்த வருமானம் கிடைக்கும். எதிரி தொல்லை மறையும்.  பாதுகாப்பு தொடர்பான வேலையில் இருப்பவர்கள் சிறப்பான முன்னேற்றம் காண்பர். அரசு ஊழியர்கள் வேலையில் கவனமுடன் இருப்பது அவசியம். அக். 19,20, நவ.15,16 ல் எதிர்பாராத நன்மை கிடைக்கும். நவ. 13க்கு பிறகு சகஊழியர்களின் பொல்லாப்பை சந்திக்கலாம்.

கலைஞர்கள் சீரான முன்னேற்றம் காண்பர். மனதில் ஏற்பட்ட சோர்வு நவ. 2 க்கு பிறகு மறையும்.

அரசியல்வாதிகள் எதிர்பார்த்த வளர்ச்சிநிலை காண்பர். மக்கள் மத்தியில் புகழ், பாராட்டு கிடைக்கும்.
நவ. 5க்குள் எதிர்பார்த்த பதவி கிடைக்கலாம்.

விவசாயிகள் காய்கறி, கீரைகள், பழ வகைகள், பயறு வகைகள் மூலம் நல்ல வருமானம் காணலாம். புதிய சொத்து நவ. 5க்குள் வாங்கலாம். வழக்கு விவகாரங்களில் சாதகமான தீர்ப்பு கிடைக்கும்.

மாணவர்கள் முன்னேற்றத்துடன் காணப்படுவர். புதனால் நல்ல வளர்ச்சி உண்டாகும். ஆசிரியரிடம் நன்மதிப்பு கூடும். நவ. 13க்கு பிறகு மெத்தனமாக இருக்க வேண்டாம்.

பெண்களுக்கு பெரியோர்களின் ஆதரவு கிடைக்கும். நவ. 8,9 ஆகிய நாட்கள் சிறப்பானதாக அமையும்.

நல்ல நாள்: அக்.19, 20, 21, 22, 25, 26, 29, 30,நவ. 8, 9,15,16

கவன நாள்: நவ. 10,11 சந்திராஷ்டமம்

அதிர்ஷ்ட எண்: 1,7                         நிறம்: சிவப்பு, பச்சை

பரிகாரம்:சனிக்கிழமை பெருமாள் கோவிலுக்கு செல்லுங்கள். தினமும் காலையில் சூரிய தரிசனம் செய்யுங்கள். ஆதரவற்ற மூதாட்டிகளுக்கு  உதவுங்கள்.