ஊத்துக்கோட்டை: கங்கையம்மன் கோவில், தீமிதி திருவிழாவில், திரளான பக்தர்கள் காப்பு கட் டி தீமிதித்தனர். எல்லாபுரம் ஒன்றியம், தாமரைப்பாக்கம் ஊராட்சி,அமனம்பாக்கம் கிராமம், தெலுங்கு காலனியில் உள்ளது கங்கையம்மன் கோவில். பழமை வாய்ந்த இக்கோவிலில், ஒவ்வொரு ஆண்டும், வைகாசி மாதம் , தீமிதி திருவிழா நடைபெறுவது வழக்கம்.கடந்த, 30ம் தேதி, 18ம் ஆண்டு, தீமிதி திருவிழா காப்பு கட்டி துவங்கியது. ஒவ்வொரு நாளும், கரகம் அலங்கரிக்கப்பட்டு வீதிஉலா வந்தது. நேற்று முன்தினம் மாலை, 50க்கும் மேற்­பட்ட பக்தர்கள் காப்பு கட்டி தீமிதித்தனர். அப்போது கூடியிருந்த பக்தர்கள், ‘கோவிந்தா, கோவிந்தா ’என, கோஷமிட்டனர். தொடர்ந்து, உற்சவர் அம்மன் சிறப்பு அலங்காரத்தில், வீதிஉலா வந்து பக்தர்களுக்கு அருள்பாலித்தார்.