* குடும்பத்தின் தலைவனாக தந்தை இருப்பது போல, கடவுள்  எல்லோருக்கும்
தந்தையாக இருக்கிறார். நாம் அனைவரும் உடன் பிறந்தவர்கள்.
* சமுதாயத்தின் அடிப்படை குடும்பம். வீடு  குழந்தையின் முதல் பள்ளிக்கூடம். பெற்றோரே  ஆசிரியர்கள்.
* சிறு வயதில் மனதில் உருவாகும் கருத்தும், நடக்கும் சம்பவமும் வாழ்நாள் முழுவதும் பாதிப்பை ஏற்படுத்தும்.
* பெற்றோருக்கும், பிள்ளைக்கும் உள்ள உறவு தெய்வீகமானது. “அன்னையும், பிதாவும் முன்னறி தெய்வம்” என்பதை கற்று கொடுக்க வேண்டும்.
* தலைமுறை இடைவெளி காரணமாக குடும்பத்தில் பிணைப்பும், அன்பும் குறைய
அனுமதிப்பது கூடாது. அன்பே குடும்பத்தின் அஸ்திவாரம்.
* குழந்தை வளர்ப்பு  ஒரு கலை. குடும்பத்திற்கும், சமுதாயத்திற்கும் பயனுள்ளவர்களாக பிள்ளைகள் விளங்க, பெற்றோர் முன்மாதிரியாக இருக்க வேண்டும்.
* குழந்தைகளுக்காக பெற்றோர்  தினமும் சிறிது நேரம் செலவிடுவது அவசியம். இதனால் குழந்தைகளின் மனம் ஆரோக்கியமாக இருக்கும்.
* நாளைய பொழுது நலமாக அமைய விரும்பினால், கண் முன் இருக்கும் இன்றைய
கடமையை சரிவர செய்யுங்கள்.
* நேற்றைய இளைஞர்கள் இன்றைய முதியவர்கள். இன்றைய இளைஞர்கள் நாளைய
முதியவர்கள். இந்த உண்மையை உணர்ந்தால் பெரியவர்களை மதிக்கும் பண்பு உருவாகும்.
* மரியாதை என்பது தானாக கிடைக்க வேண்டியதே தவிர, கேட்டு பெறுவது அல்ல.
* உடலில் ஆரோக்கியம், மனதில் துணிச்சல் நிறைந்த இளமைக் காலமே, லட்சியம்
நோக்கிய வெற்றி பயணத்திற்கு ஏற்றது.
* வாழ்வில் குறுக்கிடும் பிரச்னைகளைக் கண்டு கலங்க வேண்டாம். பிரச்னைகள் உந்துசக்தியாக இருந்து, நம்  வளர்ச்சிக்கு துணை செய்கின்றன.
* தகுதி, திறமை இரண்டையும் கல்வி மூலம் வளர்த்து கொண்டால், முன்னேற்றத்தி ற்கான கதவுகள் திறப்பதைக் காண்பீர்கள்.
* அறிவாளிகள் பணத்தை புறக்கணிப்பது இல்லை. அதற்காக பணம் ஒன்றே வாழ்க்கை என்ற முட்டாள் தனத்தையும் ஏற்பது கூடாது.
* மேலைநாட்டு மோகத்தால் பண்பாட்டை மறந்து விட்டோம். நாகரிகம் என்ற பெயரால் ஆடம்பரமாக வாழ்வதே மகிழ்ச்சி என கருதும் போக்கு வந்து விட்டது.
* இந்திய பண்பாட்டை காப்பது நம் கடமை. பிற நாட்டவரிடம் உள்ள நல்ல விஷயங் களை ஏற்கவும்  தயங்க  கூடாது.
* மனிதன் தனித்தன்மையை இழப்பது நல்லதல்ல. இதையே “நீ நீயாகவே இரு” என்று முன்னோர் சொல்லி வைத்தனர்.
* நேர்மையும், விடாமுயற்சியும் மனிதனுக்கு அவசியம். செய்யும் தவறுகளால் எதிர்காலம் கேள்வியாகும் என்ற தெளிவு இருந்தால் தவறுகள் நேர்வதில்லை.
* தீயபழக்கம் முதலில் ஒட்டடை நூல் போல ஆரம்பிக்கும். ஆனால், முடிவில் வடக் கயிறு போல கடினமாகி விடும்.  சொல்கிறார் ஹர்ஷானந்தர்