காட்டேரிக்குப்பம்: லிங்காரெட்டிப்பாளையம் புறாக்குளத்தில் அமைந்துள்ள வில்லியம்மன் கோவில் கும்பாபிஷேகம் நேற்று நடந்தது.

காட்டேரிக்குப்பம் அடுத்த லிங்காரெட்டிப்பாளையம் புறாக்குளம் பகுதியில் செல்வ கணபதி, வில்லியம்மன், பச்சை வாழியம்மன், துர்கை அம்மன், செந்தில் முருகன் கோவில் புனரமைக்கப்பட்டது. கும்பாபிஷேக விழா, கடந்த 10ம் தேதி காலை விக்னேஷ்வர பூஜையுடன் துவங்கியது. நேற்று முன்தினம் காலை 9:00 மணிக்கு இரண்டாம் கால யாக வேள்வி, வேத பாராயணம், தீபாராதனை, மாலை 6:00 மணிக்கு கோ பூஜை, தன பூஜை, மூன்றாம் கால யாக வேள்வி நடந்தது. நேற்று காலை 9:00 மணிக்கு யாத்ரா தானம், கடம் புறப்பாடு, 9:30 மணிக்கு விமான கும்பாபிஷேகம், 10:00 மணிக்கு வில்லியம்மன் மற்றும் பரிவார சுவாமிகளுக்கு மகா கும்பாபிஷேகம் நடந்தது. ஏராளமான பக்தர்கள் சுவாமி தரிசனம் செய்தனர்.