செயல்களில் வெற்றிபெற இறுதிவரை போராடும் மீனராசி அன்பர்களே!

உங்கள் ராசிக்கு சூரியனின் ஆதாய ஸ்தான அமர்வு, புதன், சுக்கிரன் ஸ்தானம் காரணமாக  நுனிக்கரும்பின் இனிப்பு போல், ஓரளவு பலன்களைத் தருவர்.  சனியின் அஷ்டம ஸ்தானம் காரணமாக, பூர்வ சொத்தில் பெறுகிற பணவரவின் அளவு குறையும். வேண்டுமென்றே தவறாகப் பேசுபவர்களிடம் விலகுவது நல்லது. உடல்நலம் சிறிதளவு பாதிக்கும். தம்பதியர் மாத முற்பகுதியில் பணக்கஷ்டத்தினால் மன அதிருப்தியுடன் இருப்பர். பிறகு ஓரளவு பணவசதி கிடைத்து ஒற்றுமை,  சந்தோஷம் கொள்வர். நண்பரிடம் நட்புக்கு குறை வராத அளவில் நடந்து நற்பெயர் பெறுவீர்கள்.  தொழிலதிபர்கள் நிர்வாக நடைமுறையில் சில சீர்திருத்தங்களைக் கொண்டு வருவர்.  உற்பத்தி, தரத்தில் எதிர்பார்த்த முன்னேற்றம் கிடைக்கும். வியாபாரிகள் திட்டமிட்ட விற்பனை இலக்கை அடைய அயராது பாடுபடுவர். முயற்சிக்கான பலன் ஓரளவு கிடைக்கும். நடைமுறை செலவு அதிகரிப்பதால் சேமிப்பு பணம் கரையும். பணியாளர்கள் நிர்வாகத்திடம் அதிருப்தி உட்படாத வகையில் செயல்படுவர். வேலைப்பளு அதிகரிப்பால், பணிகள் முடிய  காலதாமதமாகும். குடும்பச்செலவில் சிக்கனம் நல்லது. குடும்பப் பெண்கள் கணவருடன் அவசியமற்ற பேச்சுக்களை தவிர்ப்பதால் மட்டுமே ஒற்றுமை,  நிம்மதி இருக்கும். சேமிப்பு பணத்தை எடுத்து  செலவழிக்க வேண்டி வரும். பணிபுரியும்  பெண்கள் இலக்குகளை நிறைவேற்றுவதில் சிரமம் கொள்வர். பணி சார்ந்த அனுபவசாலிகளின் உதவி சிரம சூழ்நிலையை சரிசெய்யும். சுயதொழில் புரியும் பெண்கள் கூடுமானவரை ரொக்கத்திற்கு பொருள் விற்பதால் விற்பனையைத் தக்க வைக்கலாம்.அரசியல்வாதிகள் அரசு தொடர்பான அனுகூலம் கிடைக்கப்பெறுவர். விவசாயிகளுக்கு அளவான மகசூல், கால்நடை வளர்ப்பில் ஓரளவு பணவரவு இருக்கும். மாணவர்கள் படிப்பு, போக்குவரத்தில் கூடுதல் கவனமுடன் செயல்பட வேண்டும்.

பரிகாரம்: சனிபகவானை வழிபடுவதால் கஷ்டம் குறையப் பெறுவீர்கள்.
உஷார் நாள்: 2.2.13 அதிகாலை 5.24- 4.2.13 காலை 8.28 .
வெற்றி நாள்: ஜனவரி 21, 22, 23
நிறம்: மஞ்சள், பச்சை    எண்: 3, 5