இதற்கிடையில் அதே காட்டில் இன்னொரு சம்பவம் நடந்தது. ஒருநாள் தேவலோகத்தைச் சேர்ந்த ‘ஹூஹூ’ என்பவன் அங்கிருந்த குளத்தில் நீராடினான். அங்கு தேவல மகரிஷி தண்ணீர் குடிக்க வந்தார். அப்போது விளையாட்டாக அவருடைய காலை இழுத்தான் ஹூஹூ. கோபத்தில், ‘‘நீ முதலையாக பிறப்பாய்’’ என சாபமிட்டார். அவனும் அந்த குளத்திலேயே முதலையாக வாழ்ந்தான்.

அந்த குளத்திற்கு தண்ணீர் குடிக்க வந்தது கஜேந்திரன் யானை. அதன் காலை முதலை கவ்வி இழுத்தது. எவ்வளவோ முயற்சி செய்தும் அதனால் தப்ப முடியவில்லை. கடைசியாக மகாவிஷ்ணுவை அழைத்தது. உடனடியாக கருடன் மீதேறி வந்த மகாவிஷ்ணு, சக்கர ஆயுதத்தால் முதலையைக் கொன்றார்.