பெற்றோர் மீது அன்பு காட்டும் மீன ராசி அன்பர்களே!

சுக்கிரன் நவ. 30 முதலும், புதன் டிச. 1 முதலும் நற்பலன் அளிக்கத் தொடங்குவர். டிச. 1 வரை எந்த முயற்சியிலும் தடைகளைச் சந்திக்க நேரிடலாம். சூரியன் சாதகமற்று இருப்பதால் வீண் விவாதத்தில் ஈடுபடாமல் இருப்பது நல்லது. குடும்ப வாழ்வு சிறக்கும். கணவன், மனைவி இடையே அன்பு வளரும். மாத பிற்பகுதியில் சகோதரிகளால் நன்மை உண்டாகும். பொன், பொருள் சேரும். நவ. 26,27ம் தேதிகளில் ஆடை, அணிகலன் வாங்கி மகிழ்வீர்கள்.

தொழில், வியாபாரம் சிறப்படையும். எதிரிகளால் பிரச்னை ஏற்பட்டாலும் திறம்பட சமாளிப்பீர்கள். நவ.30க்கு பிறகு வீண் விரயம் உண்டாகாது. பெண்களை பங்குதாரராக கொண்ட நிறுவனம் நல்ல முன்னேற்றம் அடையும். டிச. 2,3,4 ல் திடீர் பணவரவுக்கு வாய்ப்புண்டு.

பணியாளர்கள் மேலதிகாரிகளிடம் அனுசரித்துப் போகவும். உங்கள் பணியை வேறு நபரிடம் ஒப்படைக்க வேண்டாம். புதனால் உங்களுக்கு ஏற்பட்ட அவப்பெயர், மனக்கவலை முதலியன நவ. 30க்கு பிறகு மறையும். சக பெண் ஊழியர்கள் மிகவும் ஆதரவுடன் இருப்பர். டிச. 12,13ல் சிறப்பான பலனை எதிர்நோக்கலாம்.

கலைஞர்களுக்கு பெண்களால் ஏற்பட்ட பிரச்னை நவ. 30 க்கு பிறகு மறையும். அதன்பின் அவர்களால்உதவி கிடைக்கும். அரசிடம் இருந்து விருது, பாராட்டு கிடைக்க பெறலாம்.

அரசியல்வாதிகள் சுமாரான பலன் பெறுவர்.

மாணவர்கள் உழைப்புக்கு தகுந்த பலன் பெறுவர். மாதப் பிற்பகுதியில் போட்டியில் வெற்றி காணலாம்.

விவசாயிகள் கோதுமை, பழவகைகள் போன்றவற்றில் விளைச்சல் அதிகரிக்கும். புதிய சொத்து வாங்கும் எண்ணம் தள்ளிப் போகும்.

பெண்கள் குடும்ப வளர்ச்சி கண்டு பெருமை கொள்வர். விருந்து, விழா என செல்லும் வாய்ப்பு உண்டாகும். அக்கம் பக்கத்தினர் அனுசரணையுடன் இருப்பர். மாத பிற்பகுதியில் வேலைக்கு செல்லும் பெண்கள் சம்பள உயர்வு பெறுவர்.

நல்ல நாள்: நவ.17, 18, 21, 22, 26, 27, டிச. 2, 3, 4, 5, 6,12, 13, 14, 15, 16

கவன நாள்: டிச. 7,8,9 சந்திராஷ்டமம்

அதிர்ஷ்ட எண்: 5,8

நிறம்: வெள்ளை, பச்சை

பரிகாரம்: நவக்கிரகங்களை வழிபடுங்கள். ராமபிரானுக்கு தினமும் காலையில் விளக்கேற்றுங்கள். தினமும் காலையில் சூரியனை வழிபடுங்கள்.