எதிர்நீச்சல் போடும் மீன ராசி அன்பர்களே!

கடந்த மாதத்தை விட நன்மைகள் அதிகரிக்கும். சூரியன், புதன் 10-ம் இடத்தில் இருப்பதால் நினைத்த காரியம் நிறைவேறும். பெண்களின் ஆதரவும்,ஆலோசனையும் கிடைக்கும். பொருள் சேரும். சுக்கிரன் டிச. 26ல் விருச்சிகத்திற்கு மாறினாலும் மாதம் முழுவதும் நன்மை செய்வார். குரு டிச.20ல் கன்னி ராசிக்கு மாறிநற்பலனை கொடுப்பார். அவர் குடும்பத்தில் மகிழ்ச்சியை அதிகரித்து சுப நிகழ்ச்சியை தருவார். செல்வாக்குமேம்படும். பணப்புழக்கம் அதிகரிக்கும். தேவைகள் பூர்த்தியாகும். எண்ணற்ற பல வசதிகள் கிடைக்கும்.ஜன. 8ல் ராகு 6-ம் இடமான சிம்ம ராசிக்கு வருகிறார். இவர் உங்கள் முன்னேற்றத்துக்கு வழிவகுப்பார். காரிய அனுகூலத்தைக் கொடுப்பார். கேது 12-ம் இடமானகும்பத்துக்கு செல்வதால் அவ்வப்போது உடல்உபாதைகள் வரலாம். பிற கிரகநிலைகளின் படி குடும்பத்தில் வசதிகள் பெருகும். மகிழ்ச்சியும் ஆனந்தமும் உருவாகும்.தேவைகள் பூர்த்தியாகும். மனைவி வகையில் இருந்த இடர்பாடுகள் மறையும்.

தொழிலதிபர்கள், வியாபாரிகளுக்கு லாபம்அதிகரிக்கும். புதிய வியாபாரம் முன்னேற்றத்தை கொடுக்கும். பெண்களை பங்கு தாரராக கொண்ட தொழில் மிக வளர்ச்சி அடையும். டிச. 30,31ல் எதிர்பராத வகையில் பணவரவு கிடைக்கும்.

பணியாளர்களிடம் சகபெண் ஊழியர்கள் ஆதரவுடன் இருப்பர். கோரிக்கைகள் நிறைவேறும். ஜன. 8,9,10ல் கைநிறைய சலுகைகள்பெறலாம்.

கலைஞர்களுக்கு புதிய ஒப்பந்தங்கள் கிடைக்கும். நல்ல வசதிகளை பெற்று வாழ்வீர்கள்.

அரசியல்வாதிகள் எதிர்பார்த்த பதவி மற்றும் பொறுப்புகளை பெறலாம்.

மாணவர்களுக்கு ஆசிரியர்களின் அறிவுரை கை கொடுக்கும். மாத பிற்பகுதியில் புதன் சாதமான இடத்திற்கு வருவதால் கல்வியில் வளர்ச்சி காணலாம். போட்டிகளில் வெற்றி உண்டு.

விவசாயிகளுக்கு சிரத்தை எடுத்தால் வருமானம் கிடைக்கும். பழம், காய்கறி, கீரை வகைகளில் நல்ல
மகசூல் காணலாம். கால்நடைச் செல்வம் சிறப்படையும்.வழக்கு விவகாரங்கள் இழுத்தடிக்கும்.

பெண்கள் கணவர் மற்றும் குடும்பத்தாரிடம் நற்பெயர் பெறுவர். வேலைக்கு செல்லும் பெண்களுக்கு பதவி உயர்வு கிடைக்கும். புத்தாடை, நகை வாங்கலாம்.

நல்ல நாள்: டிச.19,20,23,24,30,31, ஜன.1,2,3,8,9,10,11,12.
கவன நாள்: ஜன. 4,5 சந்திராஷ்டமம்
அதிர்ஷ்ட எண்: 1,7,9  நிறம்: பச்சை, வெள்ளை.

பரிகாரம்: சனிபகவானை வணங்கி வாருங்கள். கேதுவுக்கு அர்ச்சனை செய்யுங்கள். துர்க்கை வழிபாடு நடத்துங்கள்.