கமுதி: கமுதி முத்துமாரியம்மன் கோயில் பங்குனி பொங்கல் விழா கொடியேற்றம், காப்பு கட்டுதலுடன்  துவங்கியது. கமுதி சத்ரிய நாடார் உறவின்முறைக்கு தனித்து புராதன பாத்தியமான முத்துமாரியம்மன் கோயில் பங்குனி பொங்கல் திருவிழா வேத மந்திரங்கள், மேள தாளங்கள் முழங்க, பல்லக்கில் கொடி கோயிலுக்கு ஊர்வலமாக எடுத்து செல்லபட்டு கொடியேற்றம் நடந்தது.

பங்குனி பொங்கல் விழா காப்பு கட்டுதலுடன் துவங்கி 12 நாட்கள் நடக்கிறது. கொடியேற்றத்துடன்முத்துமாரியம்மன் கேடயத்தில் கோவிலை சுற்றி வலம் வந்து கும்பம் எடுத்தல், பூத வாகனத்தில் அம்மன் நகர் வலம் வருதல், காமதேனு, ரிஷபம், குதிரை, ரிஷப வாகனம் மற்றும், மயில் வாகனத்திலும் நகர் வலம் வந்து கழுகேற்றம், யானை வாகனம், பொங்கல் வைத்தல், மாவிளக்கு, காணிக்கை செலுத்தல்,சிம்ம வாகன ஊர்வலம், முத்துமாரியம்மன் சூரசம்ஹாரம் செய்தல், அக்கினி சட்டி, பால்குடம், கரும்பாலை தொட்டில் நேர்த்திகடன், பூக்குழி இறங்குதல், அன்னபறவை வாகனத்தில் நகர் வலம், மஞ்சள் நீராட்டு, அம்மன் ரதத்தில் ஊர்வலம், வெள்ளிக்குதிரை வாகனத்தில்நகர் வலம், சேத்தாண்டி வேடம், கரகம், சிலம்பாட்டம், மயில், புலி, மாடு வேஷமிட்டு பக்தர்கள் ஊர்வலமாக செல்லும் நிகழ்ச்சிகள் நடைபெற உள்ளது. கடைசி நாளாக முளைப்பாரி ஊர்வலமாக வந்து, செட்டி ஊரணியில் கரைக்கும் நிகழ்ச்சியோடு பங்குனி பொங்கல் விழா முடிவடையும். ஏற்பாடு களை கமுதி சத்ரிய நாடார் உறவின் முறை கமிட்டியினர் செய்து வருகின்றனர்.