மூலம்
நண்பர்களையும் உறவினர்களையும் அன்பாலும் பாசத்தாலும் வீழ்த்தும் உங்களுக்கு இந்த ஆண்டில் அவசரமாக எதையும் செய்ய தோன்றும். துணிச்சலுடன் எதிலும் ஈடுபடுவீர்கள். சாமர்த்தியமான பேச்சின் மூலம் எல்லா அனுகூலமும் கிடைக்கப் பெறுவீர்கள். ஆனால் வீண்வாக்குவாதத்தால் பகையை வளர்த்துக் கொள்ளாமல் இருப்பது நல்லது. ஏற்றத்தாழ்வு பார்க்காமல் எல்லோரிடமும் சமமாக பழகுவீர்கள். கொடுத்த வாக்கை காப்பாற்றி நன்மதிப்பு பெறுவீர்கள். பணவரவு திருப்திகரமாக இருக்கும். மனதில் ஏதேனும் டென்ஷன் உண்டாகலாம். அவ்வப்போது உடற்சோர்வுகள் வரலாம். முயற்சிகளில் சாதகமான பலன் கிடைக்கும். புதிய நபர்களின் அறிமுகமும் அவர்களால் நன்மையும் உண்டாகும். வீடு, வாகனம் தொடர்பான செலவு குறையும். வழக்கு விவகாரங்களில் கவனம் தேவை.
குடும்பத்தில் இருப்பவர்களுடன் மென்மையாக பேசுவது நல்லது. குடும்பத்தில் சிறுசிறு பிரச்சனைகள் ஏற்பட்டு விலகும். கணவன் மனைவிக்கிடையே விட்டுக்கொடுத்து செல்வதன் மூலம் நன்மை உண்டாகும். பிள்ளைகளின் தேவையை பூர்த்தி செய்ய முற்படுவீர்கள். உறவினர்கள் வருகை அடிக்கடி இருக்கும். பிள்ளைகளுக்காக செய்யும் வேலைகளில் தடை, தாமதம் ஏற்படலாம்.
தொழில், வியாபாரத்தில் ஈடுபடும் போது திட்டமிட்டு செயலாற்றுவது வளர்ச்சிக்கு உதவும். வாடிக்கையாளர்களிடம் சாதுர்யமாக பேச வேண்டியிருக்கும். பணியாளர்களுக்கு மனதில் துணிச்சல் அதிகரிக்கும். எதை பற்றியும் கவலைப்படாமல் வேலையில் வேகம் காட்டுவீர்கள். முக்கிய முடிவுகள் எடுக்கும் போது அவசரப்படாமல் இருப்பது நல்லது. தொழில் வியாபாரம் தொடர்பாக வெளிவட்டாரத் தொடர்புகள் அதிகரிக்கும். நண்பர்களின் ஆலோசனைகள் வியாபார விருத்திக்கு கைகொடுக்கும். அடிக்கடி வெளியூர், வெளிநாடு என பணி தொடர்பாக அலைய நேரிடலாம்.
பெண்கள் எந்த காரியத்திலும் அவசரம் காட்ட வேண்டாம். நிதானமாக செய்தால் வெற்றி நிச்சயம். வீண் வாக்குவாதத்தை தவிர்ப்பது நல்லது. திட்டமிட்ட காரியங்களை சிறப்பாக செய்து முடிப்பீர்கள். பணவரவு எதிர்பார்த்தபடி இருக்கும். சாதுரியமான பேச்சு வெற்றிக்கு உதவும்.
அரசியல்வாதிகள், தாங்கள் சார்ந்துள்ள கட்சியின் தொண்டர்களுக்கும், நெருங்கியவர்களுக்கும் பெரிய உதவிகளைச் செய்து பாராட்டுகளைப் பெறுவார்கள். மேலிடத்திலிருந்து உங்களுக்கு சந்தோஷமான செய்திகள் வந்து சேரும். அரசியல்வாதிகளுக்கு சாதகமான காலமாக இந்தாண்டு அமையும். கடந்த கால உழைப்பிற்கான அங்கீகாரம் கிடைக்கும். மனதிற்கு சந்தோஷமான விஷயங்கள் நடக்கும்.
கலைத்துறையினர் படிப்படியான வளர்ச்சியைக் காண்பர். வருமானம் நன்றாக இருப்பதால் ரசிகர்களுக்காகச் செலவு செய்வீர்கள். சக கலைஞர்களால் நன்மை ஏற்படும். புதிய வாகனங்களை வாங்கும் வாய்ப்பும் கிடைக்கும். சேமிப்பதிலும் ஓரளவு முன்னேற்றம் காண்பீர்கள். எதிர்காலம் மேன்மையடைந்திட புதிய வாய்ப்புகள் வந்து சேரும். சிலருக்கு வெளிநாடு வாய்ப்புகள் வரலாம். அதிலும் டெக்னிக்கல் சம்பந்தப்பட்ட துறைகளில் இருப்பவர்களுக்கு வாய்ப்புகள் குவியும்.
மாணவர்கள் எதிர்கால கல்வி தொடர்பான முடிவுகள் எடுப்பதை தீர ஆலோசித்து எடுப்பது நல்லது. சக மாணவர்களிடம் நிதானமாக பேசுவது நல்லது. படிப்பில் சிறந்து விளங்கி ஆசிரியர்களின் நன்மதிப்புக்கு ஆளாவீர்கள். திறமையான செயல்பாடு மூலம் வெற்றி காண்பீர்கள்.
பரிகாரம் : முருகனுக்கு செவ்வாயன்று பூமாலை சாத்தி வழிபடுங்கள்.
அதிர்ஷ்ட நிறம்: வெள்ளை, மஞ்சள், பச்சை
அதிர்ஷ்ட எண்: 1, 3, 5