தனித்தன்மையால் பிறரைக் கவரும் தனுசு ராசி அன்பர்களே!

புதன், குரு தொடர்ந்து மாதம் முழுவதும் நற்பலன் கொடுப்பர். சுக்கிரன் ஆக.2 வரை நற்பலன் கொடுப்பார். புதனால் உங்கள் முயற்சியில் வெற்றி கிடைக்கும். புத்தாடை, அணிகலன்கள் வாங்கலாம். பிள்ளைகளால் மகிழ்ச்சியும், பெருமையும் கிடைக்கும். பணப்புழக்கம் அதிகரிக்கும். சமூகத்தில் மரியாதை உயரும். சகோதரிகளால் நன்மை பெறலாம். தற்போது குருபகவான் 11-ம் இடத்தில் இருந்து நன்மை தந்து கொண்டிருக்கிறார். அவரால் நினைத்தது நிறைவேறும்.  சனிபகவான் சாதகமற்ற இடத்தில் இருந்தாலும் அவரது 3-ம் இடத்துப்பார்வை சாதகமாக உள்ளது. அதன் மூலம் எந்த பிரச்னையையும் எதிர்கொண்டு சமாளித்து வெற்றி காண்பீர்கள். சுக்கிரன் சாதகமாக இருப்பதால் குடும்பத்தில் மகிழ்ச்சி அதிகரிக்கும். பெண்களால் பொன், பொருள் சேரும். சுபவிஷய பேச்சில் முன்னேற்றம் ஏற்படும். ஆன்மிக நிகழ்ச்சிகளில் அடிக்கடி கலந்து கொள்வீர்கள். ஜூலை 25,26ல் எதிர்பார்த்த சுபசெய்தி வந்து சேரும். ஜூலை 20,21,ஆக.16ல் உறவினர் வருகையும் அவர்களால் நன்மையும் கிடைக்கும். அதே நேரம் ஆக. 1,2 ல் அவர்கள் வகையில் மனக்கசப்பு வரலாம். சற்று விலகி இருக்கவும்.

செவ்வாயால் சிலரது வீட்டில் பொருள் திருட்டு போகலாம். நெருப்பு, மின்சாரம் தொடர்பான வேலையில் இருப்பவர்கள் சற்று கவனமாக இருக்கவும். பணியாளர்கள் சீரான வளர்ச்சி காண்பர். தனியார் துறையில் வேலை பார்ப்பவர்கள் முன்னேற்றம் காணலாம். சக ஊழியர்கள் உதவிகரமாக செயல்படுவர். சிலருக்கு பதவி உயர்வு கிடைக்கும்.  விரும்பிய இடம், பணி மாற்றம் கிடைக்க வாய்ப்புண்டு. ஆனால் அரசு வேலையில் இருப்பவர்கள் வேலையில் கூடுதல் கவனம் செலுத்தவும். ஜூலை 18,19, ஆக. 14,15ல் அலுவலக ரீதியாக முன்னேற்றமான சம்பவம் நடக்கும். தொழில், வியாபாரத்தில் குருவால் பொருளாதார வளம் கூடும். சக தொழிலதிபர்களின் மத்தியில் செல்வாக்கு உயரும். அரசு வகையில் அனுகூலமான போக்கு காணப்படவில்லை. எனவே வரவு, செலவு கணக்கை சரியாக வைக்கவும். எதிலும் அதிக முதலீடு செய்ய வேண்டாம். ஜூலை 22,23,24, 27, 28,29ல் சந்திரனால் தடைகளை சந்திக்க வேண்டியது இருக்கும். ஆக. 6,7ல் எதிர்பாராத பணவரவு இருக்கும். செவ்வாயால் பகைவர் வகையில் தொல்லை வரலாம். ராகுவால் பங்குதாரர் வகையில் கருத்து வேறுபாடு ஏற்படும். சிலர் ஊர் விட்டு ஊர் செல்லும் நிலை உருவாகும்.

கலைஞர்கள் சீரான வளர்ச்சி காண்பர். புதிய ஒப்பந்தம் விடா முயற்சியால் கையெழுத்தாகும். ஆக.2 க்கு பிறகு எதிரியால் தொல்லை வரலாம். மறைமுகப் போட்டி குறுக்கிடலாம்.

* நல்ல நாள்: ஜூலை 18,19,20,21,25,26,30,31, ஆக.6,7,8,9,14,15,16
* கவன நாள்: ஆக. 10,11 சந்திராஷ்டமம்
* அதிர்ஷ்ட எண்: 1,5
* நிறம்: வெள்ளை, பச்சை

வழிபாடு:
●  செவ்வாயன்று முருகனுக்கு பால் அபிஷேகம்
●  தினமும் காலையில் நீராடியதும் சூரிய வழிபாடு
●  பவுர்ணமியன்று மாரியம்மனுக்கு நெய் விளக்கு

« முந்தைய

அடுத்து »